ગેજેટ ડેસ્કઃ સ્માર્ટફોન બ્રાન્ડ મોટોરોલાએ બુધવારે કંપનીનો ફોલ્ડેબલ સ્માર્ટફોન મોટોરોલા રેઝર અમેરિકામાં લોન્ચ કર્યો છે. આ ફોનમાં ફ્લેક્સિબલ સ્ક્રીન આપવામાં આવી છે જે પારંપરિક ફ્લિપ સ્ટાઈલમાં ફોલ્ડ થાય છે. આ ફોનની બહારની તરફ નાની સ્ક્રીન આપવામાં આવી છે તેની મદદથી ફોનને અનફોલ્ડ કર્યા વગર નોટિફિકેશન, મ્યૂઝિક અને ગૂગલ અસ્ટિસ્ટન્ટ જેવાં ફીચરનો ઉપયોગ કરી શકાય છે.
અમેરિકામાં ફોનની કિંમત $1,499.99 (આશરે 1,07,400 રૂપિયા) છે. તેનું વેચાણ 9 જાન્યુઆરીથી શરૂ કરવામાં આવશે અને બુકિંગ 26 ડિસેમ્બરથી શરૂ થઇ જશે. જોકે આ ફોનને ભારતમાં ક્યારે લોન્ચ કરવામાં આવશે તેના વિશે કંપનીએ કોઇ માહિતી આપી નથી. આ ફોનમાં ઈ-સિમ સપોર્ટ આપવામાં આવ્યો છે.
મોટોરોલા રેઝર (2019)નાં બેઝિક સ્પેસિફિકેશન
- મોટોરોલા રેઝર 2019નો લુક વર્ષ 2004નાં તેના જૂના મોડેલ જેવો જ છે જોકે, તેની ડિઝાઇન અને સાઇઝમાં કેટલાક ફેરફાર કરવામા આવ્યા છે. આ ફોલ્ડેબલ સ્માર્ટફોન વોટર રઝિસ્ટન્સ પણ છે.
- આ ફોનમાં 6.2 ઇંચની OLED HD+ ડિસ્પ્લે આપવામાં આવી છે. ફોલ્ડ થવા પર તેની સાઈઝ ઘટીને 2.7 ઇંચની થાય છે. ફોનમાં ઓકટાકોર ક્વૉલકોમ સ્નેપડ્રેગન 710 પ્રોસેસર અને એન્ડ્રોઇડ 9 પાઈ ઓપરેટિંગ સિસ્ટમ આપવામાં આવી છે.
- ફોનની બહાર આપેલી ક્વિક વ્યૂ ડિસ્પ્લેની મદદથી સેલ્ફી પણ લઇ શકાય છે.
- સિક્યોરિટી માટે ફોનમાં ફિંગરપ્રિન્ટ સેન્સરની સુવિધા પણ આપવામાં આવી છે. કનેક્ટિવિટી માટે ફોનમાં USB ટાઈપ-સી પોર્ટ, બ્લુટૂથ 5.0, વાઈફાઈ 802.1, 4G LTE અને GPSઆપવામાં આવ્યું છે.
Download Dainik Bhaskar App to read Latest Hindi News Today
from Divya Bhaskar https://ift.tt/2CI6KfR
No comments:
Post a Comment