ગેજેટ ડેસ્કઃ ચાઈનીઝ સ્માર્ટફોન મેકર વન પ્લસ તેની અપકમિંગ સ્માર્ટફોન સિરીઝ વન પ્લસ 8ના લોન્ચિંગની તૈયારીમાં છે. એક ટિપ્સર મેક્સ જે. અનુસાર આ સિરીઝ 15 એપ્રિલે ચીનમાં લોન્ચ થઈ શકે છે. આ સિરીઝ સાથે કંપની ‘વન પ્લસ 8 ’, ‘વન પ્લસ 8 પ્રો’ અને ‘વન પ્લસ 8 લાઈટ’ સ્માર્ટફોન લોન્ચ થઈ શકે છે.
આ સિરીઝના કેટલાક સ્પેસિફિકેશન કંપનીના CEO pete lauએ જાહેર કર્યા છે. તે મુજબ 5G સપોર્ટ ધરાવતા આ સિરીઝના ફોનમાં 120Hz રિફ્રેશ રેટ ધરાવતી ફ્લુઈડ ડિસ્પ્લે મળશે. 5G સપોર્ટ હાલ માત્ર ક્વૉલકોમ સ્નેપડ્રેગન 865 પ્રોસેસરમાં જ સપોર્ટ કરે છે. તેથી એ વાત પણ કન્ફર્મ છે કે આ સિરીઝના સ્માર્ટફોનમાં ક્વૉલકોમ સ્નેપડ્રેગન 865 પ્રોસેસર મળશે.
કેટલાક મીડિયા રિપોર્ટ્સ અનુસાર વન પ્લસ 8માં 6.5 અને વન પ્લસ 8 પ્રોમાં 6.65 ઇંચની ડિસ્પ્લે મળશે. બંને ફોનમાં QHD (ક્વાડ હાઈ ડેફિનેશન) ડિસ્પ્લે મળશે. આ સિરીઝના ફોનમાં ઈન ડિસ્પ્લે ફિંગર પ્રિન્ટ સેન્સર અને ફાસ્ટ ચાર્જિંગની સુવિધા મળશે. બંને ફોનમાં વન પ્લસ 8 ફોનનાં 6GB+128GB, 8GB+128GB અને 12GB+256GB વેરિઅન્ટ લોન્ચ થઈ શકે છે. આ સિરીઝના ફોન સાથે કંપની વન પ્લસ 8 લાઈટ વેરિઅન્ટ પણ લોન્ચ કરી શકે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2wgEH7J
No comments:
Post a Comment