સેમસંગે તેના હોરિઝોન્ટલી ફોલ્ડ થતાં ફોનની ડિઝાઇન રજૂ કરી

ગેજેટ ડેસ્કઃ ફોલ્ડેબલ સમાર્ટફોનની લોકપ્રિયતા જોઈને મંગળવારે સાઉથ કોરિયાઈ ટેક કંપની સેમસંગે તેના લેટેસ્ટ સ્માર્ટફોનનને રજૂ કર્યો છે. આ ફોનને સેમસંગ ડેવલપર્સ કોન્ફરન્સ 2019માં રજૂ કરવામાં આવ્યો છે. આ ફોનને હોરિઝોન્ટલી ફોલ્ડ કરી શકાય છે.

આ ફોન મોટોરોલાના ફોલ્ડેબલ ફોન 'રેઝર'ને ટક્કર આપશે. આ અગાઉ સેમસંગે 1,64,999 રૂપિયાની કિંમતનો સેમસંગ ગેલેક્સી ફોલ્ડ સ્માર્ટફોન લોન્ચ કર્યો હતો. આ ફોનને બુકની જેમ ફોલ્ડ કરી શકાય છે.

સેમસંગના અપકમિંગ ફોલ્ડેબલ સ્માર્ટફોનનો લુક એકદમ અલગ છે. આ ફોનની સ્ક્રીનની લંબાઈ વધારે આપવામાં આવી છે. તેને સરળતાથી ફોલ્ડ કરીને પોકેટમાં રાખી શકાય છે.

મીડિયા રિપોર્ટ્સ પ્રમાણે આ ફોનનો મોડલ નંબર SM-F700F હોઈ શકે છે. ફોનનાં 256GB વેરિઅન્ટને લોન્ચ કરવામાં આવી શકે છે. આ ફોનનું નામ W20 5G હોઈ શકે છે. તેના નામ પરથી જ જાણી શકાય છે કે ફોન 5G કનેક્ટિવિટીને સપોર્ટ કરશે. આ અપકમિંગ ફોલ્ડેબલ સ્માર્ટફોનની કિંમત અને લોન્ચિંગ વિશે કંપનીએ કોઈ માહિતી આપી નથી.

સેમસંગે 1 ઓક્ટોબરે તેનો પ્રથમ ફોલ્ડેબલ ફોન 'ગેલેક્સી ફોલ્ડ'ને ભારતીય બજારમાં લોન્ચ કર્યો હતો. ફોનનું વેચાણ શરૂ થતાં 30 મિનિટમાં જ 1600 યુનિટ્સ વેચાઈ ગયા હતા. આ ફોનની કિંમત 1,64,999 રૂપિયા છે. ગેલેક્સી ફોલ્ડમાં 7.3 ઇંચની ઈન્ફિનિટી ફ્લેક્સ ડિસ્પ્લે અને 6 કેમેરા છે.

આ ડિવાઇસમાં 4.6 ઇંચની સેકન્ડરી ડિસ્પ્લે છે. આ ફોનની ડિસ્પ્લે ઓપન થાય છે ત્યારે તે 7.3 ઇંચની બને છે અને ક્લોઝ થાય છે ત્યારે 4.6 ઇંચની બને છે.

Download Dainik Bhaskar App to read Latest Hindi News Today