ભારતમાં ‘રિઅલમી x2 પ્રો’ 20 નવેમ્બરે લોન્ચ થશે

ગેજેટ ડેસ્કઃ ‘રિઅલમી x2 પ્રો’ને મંગળવારે ચાઇનીઝ માર્કેટમાં લોન્ચ કરવામાં આવ્યો છે. આ ફોનને ભારતીય બજારમાં 20 નવેમ્બરે દિલ્હીમાં યોજાનારી એક ઇવેન્ટ દરમિયાન લોન્ચ કરવામાં આવશે. આ ઇવેન્ટમાં જ ફોનની કિંમત વિશે માહિતી આપવામાં આવશે. આ ફોનમાં સ્નેપડ્રેગન 855+ પ્રોસેસર, 90 હર્ટ્ઝ ફ્લૂઇડ ડિસ્પ્લે, 64 MP પ્રાઈમરી કેમેરા સહિત 4 રિઅર કેમેરાનું સેટઅપ આપવામાં આવ્યું છે.

ચીનમાં આ ફોનનાં 6 GB + 64 GB વેરિઅન્ટની કિંમત 2699 ચીની યુઆન (આશરે 27,200 રૂપિયા) અને 8 GB + 128 GB વેરિઅન્ટની કિંમત 2899 ચીની યુઆન (આશરે 29,200 રૂપિયા) અને 12 GB + 128 GB વેરિઅન્ટની કિંમત 3299 ચીની યુઆન (આશરે 33,200 રૂપિયા) છે. ચીનમાં આ ફોનનાં બ્લૂ અને વ્હાઇટ કલર વેરિઅન્ટ લોન્ચ કરવામાં આવ્યાં છે.

‘Realme X2 Pro’નાં બેઝિક સ્પેસિફિકેશન

• ડ્યુઅલ નેનો સિમવાળા આ ફોનમાં એન્ડ્રોઇડ 9 પાઈ ઓપરેટિંગ સિસ્ટમ આપવામાં આવી છે. આ ફોનમાં 6.5 ઇંચ HD સુપર AMOLED ડિસ્પ્લે આપવામાં આવી છે. તેનો આસ્પેક્ટ રેશિયો 20:9, રિફ્રેશ રેટ 90 હર્ટ્ઝ અને સેમ્પલિંગ રેટ 135 હર્ટ્ઝ છે. સ્ક્રીન પ્રોટેક્શન માટે ફોનમાં કોર્નિંગ ગોરિલા ગ્લાસ આપવામાં આવ્યો છે. ફોનમાં સ્પીડ અને મલ્ટિ ટાસ્કીંગ માટે ઓક્ટાકોર કવૉલકોમ સ્નેપડ્રેગન 855+ પ્રોસેસર આપવામાં આવ્યું છે. આ ફોનમાં ઈન ડિસ્પ્લે ફિંગરપ્રિન્ટ સેન્સર આપવામાં આવ્યું છે.
• આ ફોનમાં 64 MP (પ્રાઈમરી સેન્સર)+ 13 MP (સેકન્ડરી સેન્સર) + 8 MP (અલ્ટ્રા વાઇડ એંગલ લેન્સ) + 2 MP (ડેપ્થ સેન્સર) કેમેરા સેટઅપ આપવામાં આવ્યું છે. સેલ્ફી અને વીડિયો કોલિંગ માટે 16 MPનું Sony IMX471 કેમેરા સેન્સર આપવામાં આવ્યું છે.
• કનેક્ટિવિટી માટે ફોનમાં 4G LTE, વાઇફાઇ 802.11, બ્લુટૂથ વર્ઝન 5.0, GPS/AGPS, USB ટાઈપ-સી અને 3.5mmનો હેડફોન જેક આપવામાં આવ્યો છે. આ ફોનમાં 4000mAhની બેટરી આપવામાં આવી છે, જે 50 વૉટ ફાસ્ટ ચાર્જિંગને સપોર્ટ કરે છે.

Download Dainik Bhaskar App to read Latest Hindi News Today

Realme x2 Pro will launch in India on November 20

from Divya Bhaskar https://ift.tt/33CiFqU