ગેજેટ ડેસ્કઃ ચાઈનીઝ ટેક કંપની ઓપો તેનો નવો સ્માર્ટફોન ‘ઓપો F15’ 16 જાન્યુઆરીએ ભારતમાં લોન્ચ કરશે. કંપનીએ આ ફોનનું ટીઝર પેજ ઈ-કોમર્સ વેબસાઈટ એમેઝોન અને કંપનીના ટ્વિટર પર રજૂ કર્યું છે. આ ટીઝર પેજમાં ફોનનાં લોન્ચિંગ, કેમેરા સેટઅપ અને બેટરી વિશે માહિતી આપવામાં આવી છે.
કેમેરા સેટઅપ
ટીઝર પેજ મુજબ, સ્માર્ટફોનમાં ચાર રિઅર કેમેરા સેટઅપ આપવામાં આવશે. તેમાં આર્ટિફિશિયલ ઈન્ટેલિજન્સ સપોર્ટ કરતો 48MPનો પ્રાઈમરી કેમેરા લેન્સ મળશે. ફોનમાં ડ્યુઅલ LED ફ્લેશ લાઇટ્સ મળશે. જોકે ચાર રિઅર કેમેરામાં અન્ય 3 કેમેરા લેન્સ કેટલા મેગાપિક્સલના હશે તેની કંપનીએ કોઈ માહિતી આપી નથી.
ચાર્જિંગ અને સિક્યોરિટી
આ ફોનમાં VOOC ફ્લેશ ચાર્જ 3.0 ચાર્જિંગ ટેક્નોલોજી આપવામાં આવી છે. કંપનીના જણાવ્યા અનુસાર ફોનને 5 મિનિટ ચાર્જ કરવા પર તે 2 કલાકનું બેકઅપ આપે છે. આ ફોનમાં સિક્યોરિટી માટે ઈન ડિસ્પ્લે ફિંગર પ્રિન્ટ સેન્સર પણ આપવામાં આવ્યું છે. આ સેન્સર 0.32 સેકન્ડમાં ફોન અનલોક કરી દે છે.
ફોનમાં 8GBની રેમ આપવામાં આવશે તે વાત પણ ટીઝર પરથી કન્ફર્મ થાય છે. જોકે ફોનમાં કેટલું સ્ટોરેજ આપવામાં આવશે અને ફોનને કઈ કિંમત સાથે લોન્ચ કરવામાં આવશે તે વિશે કંપનીએ કોઈ માહિતી આપી નથી. આ ફોન 7.9mmની થિકનેસ ધરાવે છે અને તેનું વજન 172 ગ્રામ છે.
Download Dainik Bhaskar App to read Latest Hindi News Today
from Divya Bhaskar https://ift.tt/2rMQTKW
No comments:
Post a Comment