ગેજેટ ડેસ્કઃ કોરિયન ટેક કંપની સેમસંગે ‘M’ સિરીઝના સ્માર્ટફોન ‘ગેલેક્સી M21’નું લોન્ચિંગ પોસ્ટપોન કર્યું છે. આ ફોનનું લોન્ચિંગ સોમવારે થવાનું હતું તેની બદલે હવે 18 માર્ચ બુધવારે ફોનું લોન્ચિંગ થશે. પોસ્ટપોન પાછળના કારણની કંપનીએ કોઈ જાહેરાત કરી નથી. જોકે લોન્ચિંગ પહેલાં કંપનીએ ઓફિશિયલ વેબસાઈટ પર કેટલાક સ્પેસિફિકેશન પણ જાહેર કર્યા છે. તે મુજબ ફોનમાં 48MP પ્રાઈમરી કેમેરા સાથેનું ટ્રિપલ રિઅર કેમેરા સેટઅપ મળશે. ફોનનાં બ્લૂ કલર વેરિઅન્ટને લોન્ય કરવામાં આવશે.
સ્પેસિફિકેશન
કંપનીના ટીઝર પેજ મુજબ, ફોનમાં લંબચોરસ રિઅર કેમરા સેટઅપ મળશે. તેમાં 48MP પ્રાઈમરી કેમેરા સાથે ટ્રિપલ રિઅર કેમેરા સેટઅપ મળશે. સાથે જ સિંગલ LED ફ્લેશ લાઈટ પણ મળશે. સિક્યોરિટી માટે ફોનની બેક પેનલમાં ફિંગર પ્રિન્ટ સેન્સર મળશે. ફોનમાં સિંગલ પંચ હોલ ડિસ્પ્લે મળશે. તેમાં 20MPનો ફ્રન્ટ કેમેરા છે. ફોનમાં sAMOLED ડિસ્પ્લે મળશે. ફોનની જમણી બાજુએ પાવર અને વોલ્યુમ બટન મળશે. ફોનમાં 6000mAhની બેટરી મળશે.
કેટલાક મીડિયા રિપોર્ટ્સ પ્રમાણે ફોનમાં 6.4 ઇંચની ડિસ્પલે મળી શકે છે. ફોનનાં 4GB અને 6GB વેરિઅન્ટ લોન્ચ થઈ શકે છે. ચાઈનીઝ ટેક વેબસાઈટ ગીકબેન્ચના રિપોર્ટ અનુસાર ફોનમાં એક્સીનોસ 9611 SoC પ્રોસેસર મળશે.
Download Dainik Bhaskar App to read Latest Hindi News Today
from Divya Bhaskar https://ift.tt/2WAzxOr
No comments:
Post a Comment