ગેજેટ ડેસ્ક: ચાઈનીઝ ટેક કંપની શાઓમીએ ચીનમાં વાયરલેસ કી-બોર્ડ અને માઉસ લોન્ચ કર્યા છે. બંને ડિવાઈસ માટે કોઈ પણ પ્રકારનાં ડ્રાઈવરની જરૂરિયાત નથી હોતી. બંને વાયરલેસ ડિવાઈસ વજનમાં હલકાં અને આકારમાં પાતળા છે.
કી-બોર્ડ અને માઉસ 2.4GHz વાયરેસ કનેક્શન, પાવર સેવિંગ સ્લીપ ટેક્નોલોજીને સપોર્ટ કરે છે. વાયરલેસ કી-બોર્ડ અને માઉસનાં સેટની કિંમત 99 ચીની યુઆન (આશરે 1000 રૂપિયા)છે.
કી-બોર્ડ
આ વાયરલેસ કી-બોર્ડમાં 104 ફુલ સાઈઝનાં લે-આઉટનો ઉપયોગ કરવામાં આવ્યો છે. તેમાં ફંક્શન કીઝ, કી-પેડ અને એરો કીઝનો સેટ આપવામાં આવ્યો છે. વોલ્યુમ, મીડિયા, મ્યૂટ અને સોંગ કટ સહિતનાં શોર્ટ કટ કી આપવામાં આવ્યા છે. કી-બોર્ડની ઉપર ઈન્ડિકેટર લાઈટ્સ આપવામાં આવી છે, જે કેપ્સ લોક, નંબર લોક અને પાવર ઈન્ડિકેટર છે.કી-બોર્ડનીનીચેની તરફ 6 ડિગ્રી નેચરલ ઈનક્લાઈન ડિઝાઈન આપવામાં આવી છે.
માઉસ
આ વાયરલેસ માઉસનું વજન માત્ર 60 ગ્રામ છે. આકારમાં તે સામાન્ય માઉસ જેવું જ છે. તેમાં 1000 DPI ઓપ્ટિકલ સેન્સર આપવામાં આવ્યા છે. માઉસનું રિસીવર માઉસની નીચે આપવામાં આવ્યું છે.
Download Dainik Bhaskar App to read Latest Hindi News Today
from Divya Bhaskar https://ift.tt/3927A63
No comments:
Post a Comment