કોરોનાવાઈરસની અસર તમામ ક્ષેત્રમાં થઈ રહી છે પરંતુ સ્માર્ટવોચ માર્કેટને આ સમય માફક આવ્યો હોય તેમ લાગી રહ્યું છે. ગ્લાોબલી ગત વર્ષ કરતાં આ વર્ષે પ્રથમ ત્રિમાસિકગાળામાં સ્માર્ટવોચની શિપમેન્ટમાં 20%નો વધારો નોંધાયો છે. ટેક રિસર્ચ ફર્મ સ્ટ્રેટેજી એનાલિટિક્સના એક રિપોર્ટમાં આ વાત સામે આવી છે. આ રિપોર્ટ મુજબ આ વર્ષે માર્ચ મહિના સુધીમાં ગ્લોબલી કુલ 1.37 કરોડ સ્માર્ટવોચિસનું શિપમેન્ટ્સ થયું છે.
સેમસંગે ગત વર્ષ કરતાં આ વર્ષે 11.8% વધારે શિપમેન્ટ કર્યું
આ રિપોર્ટ મુજબ, ટેક જાયન્ટ એપલે સૌથી વધારે સ્માર્ટવોચનું શિપમેન્ટ કર્યું છે. એપલે 70.6 લાખ યુનિટ્સનું શિપમેન્ટ્સ કર્યું છે. જે ગત વર્ષની સરખામણી કરતાં 23% વધારે છે. એપલ બાદશિપમેન્ટમાં સેમસંગનો નંબર આવે છે. આ કોરિયન ટેક કંપનીએ 2020માં માર્ચ મહિના સુધી 10.9 લાખ સ્માર્ટવોચનું વેચાણ કર્યું છે. આ આંકડો ગત વર્ષે 10.7 લાખનો હતો.
Garmin કંપની 37.5%ના વધારે સાથે શિપમેન્ટ્સમાં ત્રીજા નંબરે
આ રિપોર્ટ મુજબ, અમેરિકન ટેક કંપની Garminએ આ વર્ષે માર્ચ મહિના સુધીમાં 10.1 લાખ સ્માર્ટવોચનું શિપમેન્ટ્સ કર્યું છે. આ આંકડો ગત વર્ષે 80,000નો હતો. અન્ય સ્માર્ટવોચ બ્રાન્ડ્સે મળી કુલ 30.1 લાખ યુનિટ્સનું શિપમેન્ટ્સ કર્યું છે.
Download Dainik Bhaskar App to read Latest Hindi News Today
from Divya Bhaskar https://ift.tt/2SMIykH
No comments:
Post a Comment