ટેક જાયન્ટ ગૂગલે વર્લ્ડવાઈડ કોરોનાવાઈરસની માહિતી આપતી વેબસાઈટ લોન્ચ કર્યા બાદ, દેશ માટે એક સ્પેસિફિક વેબસાઈટ www.google.co.in/covid19લોન્ચ કરી છે. આ વેબસાઈટ પર હેલ્પલાઈન નંબર, કોરોનાવાઈરસનાં લક્ષણો, સાવચેતીની પગલા સહિતની અનેક માહિતી મળશે. આ વેબસાઈટ મિનિસ્ટ્રી ઓફ હેલ્થ અને વેલફેર સાથે મળીને ડેવલપ કરાઈ છે.
વેબસાઈટ પર કોરોનાવાઈરસના કોઈ આંકડાં જોવા નહીં મળે. તેમાં હેલ્થ ઈન્ફોર્મેશન, સેફ્ટી એન્ડ પ્રિવેન્શન ટિપ્સ, ડેટા એન્ડ ઈન્સાઈટ્સ અને રિસોર્સિસ એમ 4 સેક્શન આપવામાં આવ્યાં છે. ઈન્ફોર્મેશનમાં યુઝર્સને હેલ્પલાઈન નંબર, કોરોનાવાઈરસનાં લક્ષણો તેનાથી બચવાની ઉપાયોની માહિતી મળશે. સેફ્ટી એન્ડ પ્રિવેન્શન ટિપ્સમાં યુઝર્સ કેવી રીતે કોરોનાવાઈરસથી બચી શકે છે તેના વીડિયો જોઈ શકશે.
ડેટા એન્ડ ઈન્સાઈટ્સ સેક્શનમાં કોરોનાવાઈરસને લઈ ગૂગલ ટ્રેન્ડ દર્શાવવામાં આવ્યા છે. રિસોર્સિસ ટુ હેલ્પમાં યુઝર લોકડાઉનમાં કઈ એક્ટિવિટીસ કરી શકે છે તે જાણી શકશે. આ સેક્શનમાં DIY આર્ટ, યોગા, રેસિપી, વર્કઆઉટ, ડ્રોઈંગ સહિતના અનેક વીડિયો યુઝર્સ જોઈ શકશે. આ સિવાય એજ્યુકેટર્સ, બિઝનેસિસ માટે ટિપ્સ પણ આપવામાં આવી છે.
Download Dainik Bhaskar App to read Latest Hindi News Today
from Divya Bhaskar https://ift.tt/2V59qgr
No comments:
Post a Comment