ટેક જાયન્ટ એપલ આ વર્ષ 5.4 ઈંચનો લેટેસ્ટ આઈફોન લોન્ચ કરી શકે છે. 9to5Macના એક રિપોર્ટ અનુસાર, ટેક ટીમે 5.4 ઈંચનો આઈફોન સ્પોટ કર્યો છે, તેમાં iOS 14 ઓપરેટિંગ સિસ્ટમ જોવા મળી છે. આ આઈફોનમાં ડિસ્પ્લે ઝૂમ ફીચર પણ જોવા મળ્યું છે.
રિપોર્ટ અનુસાર, અપકમિંગ આઈફોનનું ડિસ્પ્લેનું રિઝોલ્યુશન 960 x 2079 પિક્સલ છે, જે 5.4 ઈંચની ડિસ્પ્લે તરફ ઈશારો કરે છે. એપલ એનાલિસ્ટ મિંગ શી કુઓએ પણ ગત વર્ષે જણાવ્યું હતું કે એપલ કંપની વર્ષ 2020માં 5.4 ઈંચનો અને 5G કનેક્ટિવિટી ધરાવતો આઈફોન લોન્ચ કરી શકે છે.
રિપોર્ટ અનુસાર, આ 5.4 ઈંચનો આઈફોન ‘આઈફોન 12’ સિરીઝમાંથી કોઈ એક મોડેલ હોઈ શકે છે. કંપની સપ્ટેમ્બર મહિનામાં આઈફોન 12 સિરીઝ લોન્ચ કરી શકે છે.
ડિસ્પ્લે ઝૂમ ફીચર
રિપોર્ટ અનુસાર, અપકમિંગ આઈફોનમાં ડિસ્પ્લે ઝૂમ પણ મળશે. આ ફીચરની મદદથી યુઝર ડિસ્પ્લેના ઈન્ટરફેસને બદલી શકે છે. ધારો કે કોઈ યુઝર પાસે 5.5 ઈંચની સ્ક્રીનનો આઈફોન છે તો તે આ ફીચરનો ઉપયોગ કરી 4.7 ઈંચના આઈફોનના ઈન્ટરફેસનો ઉપયોગ કરી શકે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2Bxvbj0
No comments:
Post a Comment